CBSE 10 वी, 12 वी परीक्षांच्या तारखा कधी होणार जाहीर? जाणून घ्या


CBSE Board Exams 2021 : CBSE Exam Dates – केंद्रीय माध्यमिक शिक्षण मंडळाच्या (CBSE) पुढील वर्षी होणाऱ्या दहावी, बारावीच्या परीक्षांच्या तारखा मंगळवारी २२ डिसेंबर रोजी जाहीर होण्याची दाट शक्यता आहे. या परीक्षा पेपर-पेन पद्धतीने घेण्यात येणार असल्याचे बोर्डाने यापूर्वीच स्पष्ट केले आहे.

या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

मंगळवारी केंद्रीय शिक्षणमंत्री रमेश पोखरियाल निशंक देशभरातील शिक्षकांशी संवाद साधणार आहेत. त्यावेळी ते परीक्षेच्या तारखांबाबत महत्त्वपूर्ण घोषणा करण्याची शक्यता आहे.

कोविड -१९ महामारी काळात देशभरात परीक्षा आयोजित करण्याच्या केंद्र सरकारच्या पुढाकाराचा एक भाग म्हणून, शिक्षणमंत्र्यांनी देशभरातील विद्यार्थी, पालक आणि शिक्षकांशी त्रिस्तरीय संवाद साधण्याची योजना आखली आहे. मंत्री तीन दिवस वेबिनारच्या माध्यमातून या सर्वांशी संवाद साधतील.
बोर्डाच्या परीक्षा ऑनलाईन ठेवण्याचा सीबीएसईचा कोणताही प्रस्ताव नाही, असे अधिकाऱ्यांनी स्पष्ट केले आहे.

सीबीएसई अधिकारी शिक्षक, विद्यार्थी-पालकांशी परीक्षांबाबत चर्चा करत आहेत, शिवाय देशभरातील शाळा-महाविद्यालये डिसेंबर २०२० आणि जानेवारी २०२१ मध्ये टप्प्याटप्प्याने सुरू होत आहे. आतापर्यंत सर्व वर्ग, तसेच बोर्ड परीक्षांची नोंदणी आदी काम व्हर्च्युअल मोडवर झाले होते.

केंद्रीय शिक्षणमंत्री रमेश पोखरियाल यांनी यापूर्वी म्हटले होते, ‘गेले नऊ महिने विद्यार्थी शाळा-महाविद्यांलयांमध्ये जाऊ शकलेले नाहीत. पण विद्यार्थ्यांनी हे संकटही आव्हान म्हणून स्वीकारले. सर्वात मोठं आव्हान या काळात आपली इच्छाशक्ती टिकवून ठेवणे हे होतं. आमच्यापुढील मोठं आव्हान बोर्ड परीक्षांचे निकाल वेळेत लावून विद्यार्थ्यांचे वर्ष वाया जाणार नाही, याची काळजी घेणे हे आहे.’

येत्या काही दिवसांत आभासी संवाद साधल्यानंतर शिक्षणमंत्री विविध राज्ये आणि केंद्रशासित प्रदेशांमध्ये घेण्यात येणाऱ्या वेगवेगळ्या परीक्षांचा आढावा घेतील. आरोग्य व गृह मंत्रालयाने जारी केलेल्या आरोग्य प्रोटोकॉल आदेशानुसार या परीक्षा आयोजित करण्यासाठी सविस्तर आराखडा तयार केला जाईल.


CBSE Board Exams 2021: केंद्रीय माध्यमिक शिक्षण मंडळाच्या (CBSE) दहावी, बारावीच्या परीक्षा ऑफलाइन पद्धतीनेच (Offline mode) होणार असल्याचे मंडळाने स्पष्ट केले आहे. त्यामुळे या परीक्षा ऑनलाइन होण्याची शक्यता नाही. बोर्डाने हेही स्पष्ट केल ेआहे की जे विद्यार्थी प्रात्यक्षिक परीक्षा देऊ शकणार नाहीत, त्यांच्यासाठी पर्याय उपलब्ध केला जाईल.

सीबीएसई बोर्डाने एक निवेदन जारी केलं आहे. यात म्हटलंय की, ‘बोर्डाच्या परीक्षा जेव्हा होतील तेव्हा त्या लेखी आणि ऑफलाइन पद्धतीनेच होतील. ऑनलाइन पद्धतीने होणार नाहीत. कोविड प्रोटोकॉल पाळून परीक्षांचे आयोजन केले जाईल.’ मात्र परीक्षा नेमक्या कधी घेतल्या जातील, याबाबत बोर्डाने अद्याप काहीही स्पष्ट केलेले नाही. संबंधितांशी विचारविनिमयाची प्रक्रिया अद्याप सुरू असल्याचे बोर्डाने सांगितले आहे.

केंद्रीय शिक्षण मंत्रालय शिक्षक, विद्यार्थी आणि पालकांशी १० डिसेंबर रोजी परीक्षांसंदर्भात संवाद साधणार आहे. केंद्रीय शिक्षणमंत्री डॉ. रमेश पोखरियाल यांनी ट्विट करून ही माहिती दिली आहे.

सीबीएसईच्या दहावी, बारावी परीक्षा सर्वसामान्य परिस्थितीत दरवर्षी फेब्रुवारी महिन्यात घेतल्या जातात. मात्र यंदा परिस्थिती वेगळी आहे. आतापर्यंत विद्यार्थी ऑनलाइन शिक्षण घेत आहेत. विविध विषयांच्या प्रात्यक्षिक परीक्षा कशा होणार याबाबत शिक्षक, मुख्याध्यापक आणि विद्यार्थी पालकांमध्ये चिंतेचे वातावरण आहे. विशेषत: बारावी विज्ञान शाखेचे विद्यार्थी अधिक चिंतेत आहेत, कारण त्यांना प्रात्यक्षिक परीक्षेसाठी ३० गुण असतात.

दरम्यान, बोर्डाने यापूर्वीच परिस्थिती लक्षात घेऊन ३० टक्के अभ्यासक्रम कमी केला आहे. मात्र, प्रात्यक्षिक परीक्षांसाठी कोणताही बदल नसल्याचे शिक्षकांचे म्हणणे आहे. दिल्ली सरकारने आणखी अभ्यासक्रम कमी करण्याचीही मागणी केली होती. दुसरीकडे, बोर्डाने पेपर पॅटर्न बदलत विद्यार्थ्यांना काहीसा दिलासा दिला आहे. एमसीक्यू प्रश्नांवर यंदा अधिक भर दिला जाणार आहे.

सोर्स : म. टा.

The post CBSE 10 वी, 12 वी परीक्षांच्या तारखा कधी होणार जाहीर? जाणून घ्या appeared first on महाभरती...

Source link



Post Views:
2



Source link